Портпаролката на руското Министерство за надворешни работи, Марија Захарова, оцени дека средствата што Европската Унија ѝ ги доделила на Украина можеле да бидат искористени за нејзина обнова, наместо за воени цели.
Според Захарова, доколку европската финансиска помош не била насочена кон воените активности, Украина можела да се развие во „модерен европски Дубаи“, со инвестиции во инфраструктура, технологија и дигитализација.
„Парите што Западна Европа ги испрати за поддршка на киевскиот режим можеа да бидат искористени за изградба на патишта, мостови, аеродроми, како и за модернизација на деловни и станбени објекти“, изјави Захарова; пренесуваат руските медиуми.
Таа додаде дека, според неа, европските земји се подготвени да издвојуваат стотици милијарди за воени цели, додека значително помалку инвестираат во проекти што придонесуваат за развој.
„Таквата дарежливост за воени цели е во остра спротивност со воздржаноста кога станува збор за конструктивни области“, изјави Захарова.
