Москва тврди: „Го освоивме Часив Јар – тврдината на украинската војска, елиминирани се илјадници војници“

Руското Министерство за одбрана објави дека руските сили го зазеле градот Часив Јар во Доњецката област, кој важи за едно од најсилно утврдените украински упоришта во источна Украина. Според соопштението, „офанзивата на единиците на Јужната група на сили резултирала со ослободување на градот“, пренесе новинската агенција ТАСС.

— реклама —

Министерството дополнително тврди дека во текот на операцијата е уништена „најголемата група украински војници во историјата на специјалната воена операција“, посочувајќи дека станува збор за „буквално илјадници“.

— реклама —

За овие тврдења засега нема независна потврда, а украинските власти сè уште официјално не се огласиле за состојбата во Часив Јар.

— реклама —

Падот на Часив Јар, заедно со евентуалното губење на логистичкиот центар Покровск, може значајно да ја отежни украинската одбрана во регионот.

— реклама —

Украинските сили со месеци се бранеа од утврдените позиции во градот, одолевајќи на руските напади. Часив Јар беше една од клучните точки за задржување на руското напредување во Донбас.