Мотоциклист со тешки повреди по сообраќајна несреќа во Скопје

Мотоциклист се здобил со тешки телесни повреди во сообраќајна несреќа што се случила вчера попладне на улицата „Методија Андонов Ченто“ во Скопје.

— реклама —

Според информациите од Министерството за внатрешни работи, несреќата била пријавена на 29 јули во 15:15 часот, а во неа учествувале патничко возило „цитроен“ со скопски регистарски ознаки, управувано од 60-годишниот А.Ј. од селото Ржаничино, и мотоцикл со скопски регистарски ознаки, управуван од 28-годишниот Б.А. од селото Сингелиќ.

— реклама —

— реклама —

Во судирот тешко бил повреден мотоциклистот, а повредите му биле констатирани во Ургентниот центар при Комплексот клиники „Мајка Тереза“ во Скопје.

— реклама —

Увид на местото на несреќата извршила увидна екипа на СВР Скопје.