СВР Охрид поднесе кривична пријава против угостителски објект од Охрид, како и против неговиот сопственик и управител Е.Н., поради сомнение дека сториле кривично дело „точење алкохолни пијалаци на дете“.
Според Министерството за внатрешни работи, при полициска контрола во угостителскиот објект на улицата „Партизанска“ било утврдено дека на 14-годишен малолетник од Охрид му бил послужен алкохолен пијалак без претходно да му биде побаран документ за идентификација и да се утврди неговата возраст.
По консумирањето на алкохолот, малолетникот паднал во бессознание, по што бил пренесен во Општата болница во Охрид.
По документирањето на случајот, СВР Охрид поднесе кривична пријава против правниот субјект и неговиот сопственик и управител.
