Лажно ветување за враќање на запленетиот накит го чинело 28.700 евра

Маж од скопско пријавил во полиција дека бил измамен за околу 28.700 евра, откако поверувал на лице кое лажно се претставило како службеник во државна институција.

— реклама —

Како што информира Министерството за внатрешни работи, случајот бил пријавен на 15 јули 2026 година во 21:30 часот во СВР Скопје.

— реклама —

Според пријавата, измамата се случувала во периодот од 12 ноември 2024 до 12 јануари 2025 година. Пријавителот го запознал осомничениот во занаетчиски дуќан во Скопје, каде што тој му рекол дека преку свои пријатели може да му помогне да го врати претходно запленетиот златен накит, но за тоа било потребно да плати одредена сума пари.

— реклама —

Верувајќи во неговите тврдења, оштетениот му ги предал парите, а подоцна сфатил дека станува збор за измама.

— реклама —

Од МВР соопштија дека се преземаат мерки за пронаоѓање на сторителот и за целосно расчистување на случајот.