Жозе Мурињо сè почесто се поврзува со Реал Мадрид, но и Бенфика не седи со скрстени раце.
Лисабонскиот гигант му испратил понуда за продолжување на соработката на искусниот тренер, што тој го открил на прес-конференција.
„Точно е, во средата добив понуда од Бенфика за продолжување на договорот. Кај агентот е, не ни сакав да ја погледнам. Ќе ја анализирам од недела“, изјави Мурињо.
Тој додаде дека немал никаков официјален контакт со Реал Мадрид.
„Никој од Реал Мадрид не ми понудил ништо, ниту претседателот, ниту некој од неговите соработници. Но и да беше така, би одговорил исто – ќе разговараме од недела“, рече тој.
Мурињо нагласи дека следната недела ќе биде клучна за неговата иднина, како и за Бенфика.
„Бенфика е многу поголема од мене, од било кој играч, тренер или претседател. Затоа нема причина за грижа ако некој замине“, додаде тој.
