Реал Мадрид подготвува промена? Дешан како можна замена за Мурињо

Името на Дидие Дешан се појавува во шпекулациите за можен иден тренер на Реал Мадрид, доколку резултатите на тимот под водство на Жозе Мурињо не се подобрат, пренесуваат шпанските медиуми.

— реклама —

Португалецот летово се врати на клупата на „кралскиот клуб“, но засега нема потврда дека Реал започнал преговори со францускиот стручњак или дека претседателот Флорентино Перес планира тренерска смена.

— реклама —

Дешан е слободен по завршувањето на 14-годишниот мандат како селектор на Франција. Со репрезентацијата ја освои светската титула во 2018 година, а во 2022 година стигна до финалето на Светското првенство во Катар. На клупско ниво ги предводеше Монако, Јувентус и Марсеј.

— реклама —

Неговиот евентуален ангажман во Мадрид би значел повторна соработка со Килијан Мбапе, со кого работеше во француската репрезентација.

Во меѓувреме, Мурињо се обидува да го стабилизира тимот и да ги оправда очекувањата во својот втор мандат. Пред Реал следуваат важни натпревари, меѓу кои и дуелот со Барселона во Ел Класико. Засега, можноста Дешан да го наследи останува на ниво на медиумски шпекулации.