На Долно Блаце уапсен 22-годишен косовски државјанин баран од Интерпол

Полициски службеници на Граничниот премин Долно Блаце вчера утрото лишиле од слобода 22-годишен државјанин на Косово, поради тоа што бил баран со меѓународна потерница.

— реклама —

Како што информираат од Министерството за внатрешни работи, на 2 јуни 2026 година во 08:40 часот, при влез во државата, бил приведен К.К. (22) од Косово.

— реклама —

— реклама —

При извршената гранична контрола и проверките во оперативните евиденции било утврдено дека лицето е евидентирано со мерка „апси“ по барање на Интерпол.

По приведувањето, лицето било предадено во надлежна полициска станица каде што ќе се преземаат понатамошни мерки и активности согласно законските процедури.