На Ива Михаилова ќе ѝ се суди во отсуство, следното рочиште е на 9 ноември

На Ива Михаилова, обвинета за тешки дела против безбедноста на луѓето и имотот во сообраќајот, ќе ѝ се суди во отсуство, откако по предлог на Основното јавно обвинителство во Кочани било донесено соодветно решение. Причината е што таа не им е достапна на државните органи.

— реклама —

Михаилова на 12 октомври заминала во Бугарија, а на 13 октомври по неа била распишана меѓународна потерница. Според нејзината изјава за бугарските медиуми, таа тврди дека легално ја преминала границата и ја напуштила Македонија. Сепак, според досега објавените информации, не постојат евидентирани записи за нејзино излегување на македонската граница, ниту за нејзино влегување во Бугарија.

— реклама —

— реклама —

Како причина за заминувањето, Михаилова наводно навела дека морала да оди во Бугарија за да се лекува. Ова се случува и покрај претходните најави дека бугарски лекари ќе дојдат во Македонија за да ја утврдат нејзината здравствена состојба.

Следното судско рочиште е закажано за 9 ноември 2026 година, со почеток во 9 часот.