На СДСМ им „мириса“ дека ќе има предвремени избори

СДСМ тврди дека премиерот Христијан Мицкоски и Владата се подготвуваат за предвремени парламентарни избори, кои, според партијата, би можеле да се одржат до крајот на годинава или на почетокот на следната година.

Од СДСМ велат дека, иако коалицискиот партнер Фатмир Лимани како можен термин го споменал 18 април 2027 година, Мицкоски ќе се одлучи за порано распишување на изборите поради, како што наведуваат, падот на рејтингот и економската состојба.

— реклама —

„Причината е јасна и не може да се прикрие – во буџетот нема пари, економијата е во колапс, а повеќе не може да се задолжува за финансирање на криминалните тендери на својата група. Кога ќе му се затвори просторот за нови задолжувања, ќе мора да распише избори“, тврдат од СДСМ.

— реклама —

Партијата оценува дека Владата ќе се обиде европските интеграции да ги искористи како главна тема во изборната кампања.

„Мицкоски веќе со месеци ја запира европската интеграција. Наместо да ги исполни реформите кои би го отвориле патот кон Европската Унија, тој чека „покана од Европа“ и порачува „збогум Европо“, наведуваат од СДСМ.

— реклама —

Во соопштението се тврди и дека паралелно се создаваат услови за изборен процес преку измените на Изборниот законик, како и дека се води кампања за зголемување на евроскептицизмот.

— реклама —

Од СДСМ обвинуваат дека ВМРО-ДПМНЕ работи на формирање сателитски политички партии со цел, како што велат, да се уситни опозицискиот глас и оценуваат дека рејтингот на власта е во пад.

„Народот веќе не е наивен. Сите знаат дека изборот не е помеѓу „патриоти“ и „предавници“, туку помеѓу продолжување на изолацијата и криминалот или враќање на европскиот пат“, порачуваат од СДСМ.