Четириесет и четиригодишна жителка на селото Долни Дисан, неготинско, пријавила во полиција дека била измамена за 49.087 денари при обид да подигне кредит.
Според информациите од Министерството за внатрешни работи, жената остварила контакт со непознато лице преку социјална мрежа со цел да добие кредит. По насоки од лицето, во неколку наврати уплатила пари за наводни трошоци за одобрување на кредитот.
Откако не ги добила ниту кредитот, ниту уплатените средства, случајот го пријавила во Одделението за внатрешни работи Неготино.
Полицијата презема мерки за расчистување на случајот.
