Над 11.000 заразени со ебола во Конго, речиси половина починале

Епидемијата на ебола во Демократска Република Конго досега однела голем број животи, а во последните шест месеци се регистрирани повеќе од 11.000 случаи на зараза. Речиси половина од заразените починале, објави германската новинска агенција ДПА.

— реклама —

Здравствените стручњаци предупредуваат дека вистинскиот број на жртви можеби е и поголем, бидејќи вирусот можел да се шири незабележано уште од февруари, неколку месеци пред епидемијата официјално да биде прогласена на 15 мај.

— реклама —

Особено загрижувачки е тоа што за сојот на вирусот Бундибуџо, кој ја предизвикува сегашната епидемија, нема одобрена вакцина ниту специфичен лек. Раните симптоми наликуваат на оние кај други заболувања, како маларијата, што може да го одложи изолирањето и лекувањето на заразените.

— реклама —

Еболата досега се проширила во осум провинции во Демократска Република Конго, но и надвор од нејзините граници. Случаи на зараза се регистрирани и во Кенија, Нигерија и Уганда.

— реклама —

Според здравствените служби, најпогодени се децата, кои сочинуваат значителен дел од потврдените случаи и се изложени на поголем ризик од смртен исход.