Над 30 земјотреси ја погодија Камчатка по силен потрес во Тихиот Океан

Силен земјотрес со јачина од 6 степени според Рихтеровата скала беше регистриран во Тихиот Океан во близина на рускиот полуостров Камчатка, по што следуваше серија од повеќе од 30 последователни потреси.

— реклама —

Според информациите на камчатскиот огранок на Единствената геофизичка служба при Руската академија на науките, земјотресот бил регистриран на длабочина од 41 километар под морското дно.

— реклама —

Во часовите по главниот потрес, сеизмолозите забележале т.н. сеизмички рој, односно низа земјотреси што се случиле во релативно краток временски период во истото подрачје.

Потресите биле почувствувани и во градот Петропавловск-Камчатски, каде што жителите пријавиле тресење со интензитет од околу 3 степени според Рихтеровата скала.

— реклама —

Засега нема информации за причинета материјална штета или за повредени лица.

— реклама —

Надлежните служби соопштија дека не е издадено предупредување за цунами, иако сеизмичката активност продолжува внимателно да се следи.