Над 55 илјади граѓани се пријавиле за вакцинација против грип, над 60 отсто од пријавените се постари од 65 години

Министерот за здравство Сашо Клековски денеска ја прими вакцината против сезонски грип во Институтот за јавно здравје, од каде што започна и вакцинацијата на сите пунктови низ државата.

— реклама —

Клековски посочи дека вакцинацијата е најдобра заштита од грипот, бидејќи го намалува ризикот од потешки форми на болеста, компликации и смртни исходи, особено кај лицата од ризичните групи.

— реклама —

Од 14 октомври досега за вакцинација се пријавиле 55.535 граѓани, од кои повеќе од 60 отсто се постари од 65 години. Пријави има на сите 31 пункт низ државата, а до пладне биле вакцинирани 368 лица.

— реклама —

За пријавување, граѓаните треба да ја пополнат формата на vakcinacija.mk, по што ќе добијат СМС-порака со точниот датум, час и место за вакцинација.

Бесплатната вакцина е наменета за лица над 65 години, лица со хронични заболувања, здравствени работници, бремени жени и деца на возраст од шест месеци до пет години. Лицата што припаѓаат на ризичните групи, а сè уште не се пријавиле, се повикуваат да го направат тоа што поскоро.