Најмалку 157 лица загинаа во разорните поплави и одрони што го погодија Непал, соопшти локалната полиција. Се стравува дека бројот на жртви дополнително ќе расте.
Најмногу загинати, 64, се регистрирани во областа Читван, 27 во Дадинг, 22 во Источен Навалпараси и 19 во Горка. Во Нувакот се потврдени 13 смртни случаи, во Танахун девет, а во Расува три.
На погодените подрачја досега се испратени повеќе од 3.300 полицајци, додека 49 повредени лица се згрижени во болниците.
Снимките од погодените делови на земјата покажуваат разорни надојдени води и одрони што носат цели објекти.
