Најмногу се бараат работници во услужните дејности и продажбата, има 2.980 слободни работни места

Најголема побарувачка за работници во второто тримесечје од 2026 година имало во услужните дејности и продажбата, покажуваат податоците на Државниот завод за статистика.

— реклама —

Стапката на слободни работни места во земјава изнесувала 2,17 проценти, а најголем број непополнети работни места – 2.980 – биле регистрирани кај занимањата во услужните дејности и продажбата.

— реклама —

Според економската дејност, највисока стапка на слободни работни места од 6,23 проценти е регистрирана во секторот „Сместување и послужување храна“. Најниска стапка, од 0,38 проценти, има во секторот „Снабдување со електрична енергија, гас, пареа и климатизација“.

Гледано според големината на деловните субјекти, најголема потреба од работници имале претпријатијата со 10 до 49 вработени, каде што стапката на слободни работни места изнесувала 3,20 проценти.

— реклама —

На регионално ниво, највисока стапка на слободни работни места е забележана во Скопскиот регион, каде што изнесувала 2,30 проценти.

Податоците покажуваат дека угостителството, услужните дејности и продажбата имаат најголема потреба од дополнителна работна сила, особено кај малите и средните деловни субјекти.