РАБОТА

Над 10.000 слободни работни места во Македонија, најголема побарувачка во угостителството и продажбата

Македонскиот пазар на труд и понатаму се соочува со недостиг на работна сила, но најголемата побарувачка за нови вработувања не е во секторите каде што се исплаќаат највисоките плати. Според најновите податоци на Државниот завод за статистика за првото тримесечје од 2026 година, во земјата има 10.247 слободни работни места, додека бројот на пополнети работни позиции изнесува 484.199.Најголема потреба од работници има во секторот сместување и послужување храна, каде што стапката на слободни работни места достигнува 4,94 проценти. Висока побарувачка има и во административните и помошните услужни дејности, со стапка од 4,80 проценти.Според занимањата, најмногу слободни работни места има за работници во услужните дејности и продажбата, каде што се отворени 2.346 позиции. Следуваат преработувачката индустрија со 2.174 и трговијата на големо и мало со 2.067 слободни работни места.Податоците покажуваат дека најголем дел од отворените позиции се концентрирани во пониско и средно платените дејности. Од друга страна, секторот снабдување со електрична енергија, гас, пареа и климатизација бележи најниска стапка на слободни работни места од само 0,15 проценти.Според регионалната распределба, највисока стапка на слободни работни места има во Вардарскиот регион, каде што изнесува 2,28 проценти. Најголема побарувачка за нов кадар има кај компаниите со 10 до 49 вработени, каде што стапката достигнува 3,05 проценти.Статистиката покажува дека стапката на слободни работни места останува релативно стабилна во споредба со претходната година и се движи меѓу 2,02 и 2,14 проценти.Во државата се евидентирани 707.385 вработени лица и 90.499 невработени. Од невработените, 62,4 проценти се мажи, а 37,6 проценти жени. Кај вработените, 57,9 проценти се мажи, додека 42,1 процент се жени.Во меѓувреме, неформалната вработеност бележи раст. Регистрирани се 94.197 лица кои работат неформално, што претставува зголемување од 4,3 проценти во однос на претходното тримесечје. Најголем дел од нив се ангажирани во земјоделството и градежништвото.Интересно е што секторите со највисоки плати немаат голем број слободни работни места. Во транспортот и складирањето има 757 отворени позиции, во градежништвото недостигаат 639 работници, во телекомуникациите и компјутерското програмирање се бараат 412 лица, додека во рударството има само 21 слободна позиција.Според анализата на „Фајнанс тинк“, платите во транспортот, телекомуникациите, воздухопловниот транспорт и фармацевтската индустрија се движат меѓу 67.041 и 75.976 денари. Околу 1.000 евра месечно заработуваат и вработените во финансиските услуги, производството на пијалаци, вадењето метални руди и управувачките дејности.Највисоки плати и понатаму се исплаќаат во информатичко-комуникацискиот сектор, каде што просечната нето-плата во март достигнала 115.557 денари. За споредба, просечната нето-плата на ниво на државата во истиот период изнесувала 48.433 денари.

Македонија | пред 1 седмица

Девет совети како побрзо да најдете работа: Кариерен експерт открива што навистина помага

Потрагата по работа може да биде исклучително стресна, особено по отказ или долг период без ангажман. Во услови на сè поконкурентен пазар на труд, многумина се чувствуваат преоптоварени од апликации, интервјуа и постојано испраќање биографии без резултат.Експертот за кариера и автор Тим Касл издвои девет конкретни чекори кои, според него, можат значително да ги зголемат шансите за пронаоѓање нова работа.Тој советува потрагата по работа да се сфати како вистинска работа. Наместо денот да се поминува пред телевизор или со одложување на обврските, Касл препорачува да се воспостави рутина – рано станување, средување и дневен план со конкретни задачи.Еден од неговите најпознати совети е методот „9 пред 9“ – пред 9 часот наутро да се контактираат девет потенцијални можности. Тоа може да бидат пораки на LinkedIn, мејлови до регрутери, поранешни колеги или компании во кои кандидатот сака да работи.Касл смета дека вмрежувањето е клучно за наоѓање работа и дека многу позиции никогаш не се јавно објавени. Затоа препорачува посета на конференции, деловни настани и разговори со нови луѓе, наместо потпирање само на класични апликации.Посебно внимание треба да се посвети и на профилот на LinkedIn и биографијата. Наместо општи фрази, тој советува кандидатите јасно да наведат какви резултати постигнале, што подобриле и каква вредност можат да ѝ донесат на компанијата.Според него, препораките од луѓе кои веќе работат во компанија вредат многу повеќе од анонимна апликација. Затоа кандидатите не треба да се двоумат директно да побараат препорака или поврзување со одредени луѓе.Во периодот без работа, Касл препорачува учење нови вештини, следење онлајн курсеви и усовршување на комуникациските способности, бидејќи тоа остава впечаток на проактивност и амбиција.Тој советува и користење алатки со вештачка интелигенција за подобрување на апликациите, подготовка за интервјуа и истражување на компаниите.За подобра организација, препорачува водење евиденција за сите испратени апликации, разговори и контакти, бидејќи многу луѓе со текот на времето губат преглед каде се пријавиле.Касл нагласува дека, покрај искуството и биографијата, личноста е пресудна на интервјуата. Според него, работодавците најмногу паметат каков впечаток оставил кандидатот – дали делувал позитивно, пристојно и како личност со која би сакале секојдневно да работат.

Магазин | пред 2 седмици

Почна трката по сезонци на Јадранот: Хрватска бара 70.000 работници, платите одат и над 3.000 евра

Побарувачката за сезонски работници на Јадранот годинава влегува во најинтензивна фаза, а огласите од Хрватска, Црна Гора и Словенија покажуваат дека и ова лето најмногу ќе се бараат кадри за угостителство и хотелиерство. Според актуелните процени, само Хрватска има потреба од околу 70.000 сезонци, Црна Гора од околу 25.000, додека во Будва се бараат приближно 5.000 работници.Најголем дел од сезонците традиционално доаѓаат од балканските земји, меѓу кои се спомнуваат и работници од Србија, Босна и Херцеговина и Северна Македонија. Поради недостиг на работна сила, сè почесто се ангажираат и луѓе од Азија и од Источна Европа, особено за позиции „зад сцената“ во хотелите и рестораните.Во огласите доминираат работните места за келнери и готвачи, а потоа следуваат помошни готвачи и помошен персонал во кујната. Веднаш зад нив се бараат хигиеничари и собарки, а хотелите сè почесто отвораат и позиции за рецепционери, аниматори и работници за одржување.Кога станува збор за платите, највисоки примања се нудат за готвачите и шефовите на кујна. Според огласите, келнерите можат да очекуваат месечна плата од 1.200 до 1.600 евра, додека бармените најчесто се движат меѓу 1.400 и 1.600 евра. Рецепционерите се позиционирани во распон од 1.300 до 1.500 евра, а мајсторите за одржување најчесто од 1.000 до 1.300 евра месечно.За готвачите се спомнуваат плати од 1.800 до 2.500 евра, а местото шеф на кујна може да донесе и повеќе од 3.000 евра. Барани се и мајстори за скара и пица, со понуди од 1.500 до 2.500 евра.Во делот на хотелските услуги, хигиеничарките и собарките можат да сметаат на 1.000 до 1.200 евра, а слична сума – околу 1.000 евра – се нуди и за хостеси ангажирани на промоции на ресторани и други угостителски објекти.Како една од причините зошто сезонците од Балканот често се подобро платени се наведува познавањето на јазикот и можноста да работат на позиции со директен контакт со гости, додека работниците кои доаѓаат од подалечни земји почесто завршуваат на помалку платени помошни работни места.

Магазин | пред 3 седмици

Швајцарија итно бара работници: вработување „веднаш“, плати до 140.000 евра годишно - но и животни трошоци што не простуваат

Швајцарија во последните години сè поинтензивно привлекува работници од странство, поттикната од комбинација на високи примања и стабилен пазар на труд. Интересот дополнително расте поради оценките дека во повеќе сектори работа може да се најде релативно брзо, особено таму каде што недостигот од кадар веќе станува хроничен.Според податоци што се пренесуваат во текстот на српски „Телеграф“, просечната годишна бруто-плата за полно работно време изнесува околу 78.000 швајцарски франци, односно приближно 83.000 евра. Во области каде што доминира висока стручност — финансии, ИТ, инженерство и медицина — заработките се значително повисоки и се движат меѓу 90.000 и 140.000 евра годишно.Најголемата побарувачка за работна сила моментално се бележи во здравството, угостителството и хотелиерството, градежништвото, транспортот и логистиката. Посебно се истакнуваат профили како физички работници, ИТ-стручњаци и медицински сестри, а во дел од случаите, наведува текстот, вработувањето е можно речиси веднаш.Највисоките плати, според наведениот преглед, се концентрирани во поголемите економски центри. Цирих се издвојува како силно јадро со меѓународни компании и финансиски сектор, Луцерн се врзува со развиена технолошка сцена и стартапи, додека Женева — како дипломатско и организациско средиште — привлекува широк спектар професии поврзани со меѓународни институции и компании.Иако високите плати звучат како брз пат до подобар живот, реалноста во Швајцарија неизбежно оди со високи трошоци. Кириите, здравственото осигурување и секојдневните издатоци се поскапи отколку во голем дел од Европа, но во текстот се потенцира дека односот меѓу примања и трошоци сепак останува поволен за мнозинството вработени.Како илустрација за ценовното ниво, се наведува дека билет за кино чини околу 20 франци (21 евро), оброк во ресторан околу 25 франци (27 евра), додека месечна членарина за теретана е околу 85 франци (90 евра). За домување, пак, кирија за двособен стан во центарот на Цирих започнува од околу 2.000 франци, во Женева од 1.200, а во Базел од приближно 1.000 франци.Покрај финансискиот мотив, Швајцарија се претставува и како земја со висок степен на безбедност, уредени правила за работно време и стабилна економија — аргументи кои ја прават привлечна и за семејства и за луѓе што бараат долгорочна кариера во странство.„Најважно е добро образование. Кој е подготвен да работи, може добро да заработи“, се наведува како изјава на Матијас Естерман, Германец кој се преселил во Швајцарија пред три децении.Според текстот, работната недела најчесто трае меѓу 38,5 и 42,5 часа, а правилата за работно време и одмор се строго почитувани — уште една причина поради која оваа алпска земја останува една од најпосакуваните дестинации за работа во Европа.

Свет | пред 1 месец

Генерацијата Z не брка само плата: три професии што нудат смисла, флексибилност и сигурност – и до 69.700 евра годишно

Младите кои припаѓаат на генерацијата Z – најчесто дефинирана како луѓе родени меѓу 1997 и 2012 година – сè појасно испраќаат сигнал до пазарот на труд: високата плата е важна, но не е доволна. Во изборот на кариера, тие сè повеќе ја бараат формулата што ги спојува финансиската стабилност, флексибилните услови и чувството дека работата има поширока смисла.Наместо стереотипот дека се „премногу свртени кон социјалните мрежи“, дел од оваа генерација ја насочува амбицијата кон професии со долгорочни перспективи, можности за развој и подобра рамнотежа меѓу приватниот и професионалниот живот. Пораката е едноставна: кариерата не се мери само во бројки, туку и во квалитетот на секојдневието.Во тој контекст се издвојуваат три професии што, според анализите за потребите на пазарот и очекувањата на младите, најчесто се препознаваат како привлечни: софтверски развивач, UX дизајнер и психолог/психотерапевт. Заедничко за нив е што нудат простор за работа на далечина, флексибилни модели на организација, но и чувство на придонес – било преку технологија што им го олеснува животот на луѓето, било преку директна грижа за менталното здравје.На врвот на листата е професијата софтверски развивач, каде што просечните годишни бруто-износи се движат околу 69.700 евра. Потребата од ИТ-кадри останува широка низ различни индустрии, а дополнителното познавање на алатки и концепти поврзани со вештачка интелигенција, наместо да ја намали побарувачката, може да ги зголеми шансите за вработување и напредување.Втората професија што ја привлекува генерацијата Z е UX дизајнер (дизајн на корисничко искуство), каде што технологијата и креативноста се спојуваат во секојдневната работа. UX дизајнерите развиваат интерфејси, апликации и веб-страници со цел искуството на корисникот да биде што поинтуитивно и попријатно, а просечната годишна заработка се проценува на околу 53.000 евра. Дополнителна предност е што и во ова поле флексибилните модели на работа се честа пракса.Третата област – психологијата – се издвојува поради силниот мотив за помагање и „подлабоко значење“ на професијата. Просечната годишна бруто-плата за психолози се наведува околу 52.900 евра, додека психотерапевтите можат да достигнат и до приближно 59.600 евра. Притоа, расте и просторот за онлајн-консултации, што дополнително ја зголемува пристапноста и флексибилноста во работата.За работодавачите, пораката од генерацијата Z е јасна: покрај конкурентна плата, се очекуваат и услови што ја почитуваат личната динамика – опции за работа од дома, флексибилно работно време, безбедност и видлива патека за професионален раст. Во спротивно, дури и највисоката понуда може да не биде доволна за да се задржи вниманието на младите на долг рок.

Македонија | пред 1 месец

Како да се облечете за интервју за работа? Еве неколку упатства за да оставите добар прв впечаток

Она што го носите на интервју за работа игра важна улога во првиот впечаток што ќе го оставите. Вашата облека за интервју за работа може да каже: „Јас сум професионалец“, или може да каже: „Не ми е грижа за оваа работа“, дури и ако навистина се грижите. Крајната цел е фокусот да биде на вашите одговори и став, а не на облеката што ја носите.Потребни се само неколку секунди за некој да донесе пресуда за тоа кои сте вие ​​врз основа на тоа како изгледате. За време на интервју за работа целото внимание е насочено кон кандидатот, па затоа првиот прв впечаток е особено важен.Доколку не сте навикнати да носите „корпоративна“ облека, изборот на вистинската облека за интервју за работа може да биде предизвик. Лицето или лицата кои ве интервјуираат за работа ќе земат предвид сè за вас кога ве оценуваат како потенцијален вработен. Дали изгледате дека би се вклопиле во тимот? Дали би бил добар претставник на компанијата? Овие прашања се уште поважни ако работите со клиенти или клиенти.При изборот на вистинската облека за интервју, важно е да го усогласите вашиот изглед со видот на работата и формалноста на организацијата. На пример, ако интервјуирате за малопродажна позиција, соодветна е едноставна, паметна, секојдневна облека. Ако треба да работите во банка, вашата облека за интервју треба да биде поконзервативна и формална. Истражете ја компанијата и нивната култура пред да се одлучите за облеката за интервју, за да изгледате како да се вклопувате веднаш од моментот кога ќе влезете низ вратата.Облека за интервју во корпоративна срединаКорпоративното интервју за работа, она што би го правеле во канцеларија, бара деловна формална или деловна секојдневна облека. Облеката за интервју за работа во овие стилови е доста слична, со мали, но важни разлики.Облеката за она што би се нарекло бизнис формално интервју за работа е најконзервативна и формална. И мажите и жените треба да носат костум, со кошула со копчиња и кожени чевли. Должината на здолништето до колената се смета за „попрофесионална“ со тоа што се облекуваат во конзервативни области како што е законот. Мажите треба да носат вратоврска и обична кошула. Придржувајте се до неутралните во тегет, сива и кафена боја за вашиот костум, со додатоци сведени на минимум.Деловен секојдневен стилТаканаречената деловна секојдневна облека за интервју за работа е малку порелаксирана од деловната формална. За мажите, тоа е кошула, скроени панталони и кожени чевли, без потреба од јакна. Поло кошула и панталони со блејзер се исто така добар избор. Женските стилови вклучуваат панталони, здолништа или фустани со средна должина и кошули и блузи со долги ракави.Иако овој кодекс на облекување е малку поопуштен, тој не е доволно опуштен за премногу тесна гардероба со светли бои. Сè уште треба да се држите до конзервативен пристап кога станува збор за гардероба, чевли, бои и додатоци.Интервју во стартап компанијаОблеката за интервју за стартување може да биде посекојдневна отколку во типична корпоративна средина. Овие компании имаат тенденција да имаат помодерен и порелаксиран однос кон облекувањето, па затоа би било соодветно деловно, лежерно или паметно-лежерно облекување.Облека за полежерно интервјуЗа посекојдневно интервју за работа за почеток, размислете за лежерна, но паметна секојдневна облека. Одлучете се за панталони или темни фармерки во комбинација со кошула или блуза со копчиња. Изберете обувки како што се мокасини, чизми до глужд или тренерки - чевли кои се удобни и покажуваат чувство за стил. Користете додатоци за да ја пренесете уникатноста на вашата личност и вкус. Повторно, пред да одлучите за облека, истражете ја компанијата за да бидете сигурни дека вашиот изглед одговара на културата на компанијата.

Магазин | пред 1 година

Денес прекин на сообраќајот на патот Прилеп – Градско

На патниот правец Прилеп – Градско, на излезот на Прилеп кон Скопје, денеска во периодот од 11:00 до 13:00 часот, ќе има прекин на сообраќај.Како што информираат од АМСМ, прекиот на сообраќајот е поради најава за организиран собир (штрајк).-Сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата, информираат од АМСМ.Оттаму препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија | пред 4 години