Евростат: Во Македонија 59,5% од населението е работоспособно, што е над просекот во ЕУ

Македонија има поголем процент на население на работоспособна возраст во споредба со просекот на Европската Унија, покажуваат податоците на Евростат.

— реклама —

Лицата на возраст од 20 до 64 години сочинуваат 59,5 отсто од вкупното население во земјава, додека просекот во ЕУ изнесува 58,3 отсто.

— реклама —

Меѓу осумте плански региони во Македонија, најголем удел на работоспособно население има Полошкиот регион, со 61,6 отсто. Најмал удел е забележан во Скопскиот регион, каде што работоспособното население сочинува 58,3 отсто.

На ниво на ЕУ, највисок удел е регистриран во 22 региони во Германија, каде што работоспособното население достигнува 63 отсто, како и во неколку региони во Данска и во островски региони во Шпанија.

— реклама —

Од друга страна, во 189 региони во ЕУ уделот на населението на возраст од 20 до 64 години е под 55 отсто од вкупното население.

— реклама —

Станува збор главно за рурални подрачја, меѓу кои внатрешноста на Португалија, големи делови од рурална Франција, поголемиот дел од источна Германија, како и рурални подрачја во Бугарија, Грција и нордиските земји.