Од АМСМ известуваат дека поради сообраќајка на патот Гостивар – Стража, сообраќајот во моментов се одвива по една коловозна лента.МВР е на местото на настанот и прави увид во овој случај, и се очекува побрзо расчистување на сообраќајот и нормализирање на истиот на овој патен правец.
Македонија | пред 7 години
Во СВР Скопје било пријавено дека на гласачко место во селото Визбегово, семејство дошло на гласање со малолетниот син кој фотографирал во просторијата.Жител од селото Брвеница пријавил дека кога одел на гласање со неговата сопруга, од страна на В.С. му биле упатувани навредливи зборови. Во кординација со јавен обвинител се преземаат мерки за расчистување на случајот.Во СВР Тетово пријавено е дека во близина на училиштето "Гоце Делчев" во Тетово повеќе лица вршеле снимање и фотографирање на гласачи. Во ОУ „Братство" во Скопје Б.С. заменик член на избирачкиот одбор, омаловажувал полициски службеник.Во СВР Струмица било пријавено дека во близина на училиштето „Кирил и Методиј" во радовишко село Ораовица, пронајдени се летоци со содржина поврзана со референдумот.Во дворот на основното училиште „Живко Брајковски“ во Скопје, З.Ј.(42), кој имал беџ на наблудувач и Г.Ж.(38), го нарушиле јавниот ред и мир со меѓусебно карање, викање и непристојно однесување. По преземени мерки, двајцата биле приведени во ПС Чаир и се работи на расчистување на случајот.
Македонија | пред 7 години
Професорот и член на презедиумот на партијата Левица, Димитар Апасиев, на социјланите мрежи напиша дека според нивниот аналитички центар, нема да биде исполнет цензусот на референдумот. Според него, излезноста ќе биде од 32% до 35%.Државната изборна комисија на прес конференцијата одржана во 15:30 информираше дека излезноста до 15 часот е 22,56, односно гласале околу 334 илјади граѓани.Просекот на излезност е од 90% од гласачките места.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.
Македонија | пред 7 години
Државната изборна комисија на прес конференцијата одржана во 15:30 информираше дека излезноста до 15 часот е 22,56, односно гласале околу 334 илјади граѓани.Просекот на излезност е од 90% од гласачките места.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.Акредитираните набљудувачи при вршењето на набљудувањето, како што потенцираа од ДИК, се должни да се придржуваат на правилата и процедурите од Кодексот за набљудување на Референдумот 2018 и доследно да ги применат законските прописи кои произлегуваат од Кодексот.Набљудувачите се должни да ги познаваат и почитуваат одредбите на Изборниот законик, Законот за референдум и други облици на непосредно изјаснување на граѓаните и Кодексот за набљудување на референдумот и да се придржуваат кон одредбите со кои се уредува постапката за спроведување на референдумот, да се непристрасни во извршувањето на своите должности при што не смеат да изразат пристрасност кон изборните органи, да носат на видно место овластување – беџ издаден од ДИК, како и лична исправа и своите заклучоци треба да ги засноваат на документирани и во потврдени факти.Од ДИК, исто така, потенцираат дека акредитираните набљудувачи при спроведување на процедурата за референдумот не смеат да влијаат на кој било начин во постапката на денот на изјаснувањето на референдумот, како и во постапката при броење на гласовите, не смеат да носат партиски симболи и ознаки, да им даваат упатства на гласачите, изборните органи, овластените претставници и овластените службени лица и да влијаат на работата и одлуките на изборните органи.Според најновите податоци од ДИК, највисок одѕив има во општините Сарај 36,57 проценти, Центар – 34,51 отсто, Карпош – 32,24 проценти, Липково – 30,42 отсто.Најнизок одѕив има во Ново село 9,97 отсто, Илинден – 10,49 проценти и Босилово – 11,44 отсто.Најголем дел од пријавите, како што рече претседателот на ДИК, се однесуваат на лица на кои им истекла важноста на личните карти или некои во меѓувреме станале полнолетни и извадиле нови лични карти, поради што, системот ги нема евидентирано и неможат да гласаат. Дерковски рече дека овие пријави се одбиени, бидејќи системот е затворен и нема рок за да може да се интервенира.Тој им се заблагодари на граганите за демократскиот пристап и почитување на законите при изразувањето на нивното гласачко право, но и на институциите во справувањето со малите инциденти за време на гласачкиот ден. Им порача на оние кои го нарушуваат редот и мирот, дека за нив ќе следат санкции.
Македонија | пред 7 години
Пратеничката од ВМРО-ДПМНЕ, Жаклина Пешевска ги демантираше информациите дека гласала на денешниот референдум.Во одредени медиуми се појави вест дека пратеничката на ВМРО-ДПМНЕ, Жаклина Пешевска гласала денеска на референдумот. Овие информации таа ги демантира во изјава за Курир.-На одредени портали прочитав дека сум гласала на референдумот, тие информации не се точни. Ги демантирам овие информации кои беа објавени во одредени медиуми, изјави за Курир пратеничката Пешевска.Информацијата дека Пешевска гласала на денешниот референдум ја пренесе истражувачот од „Евротинк“, Андреја Стојковски.
Македонија | пред 7 години
Нерасчистени должничко-доверителски односи и меѓусебни закани меѓу довчерашни ортаци во нелегални бизниси се можна причина за класичната ликвидација во петокот ноќта во центарот на Скопје, сметаат запознаени извори, пренесе Вечер.Првата жртва што почина во синоќешната гангсетрска бркотница со автомобили престрелка на „Рузвелтова” е Наим Ајети, кој е брат на познат скопски криминалец Џелал Ајети – Џељо, кој беше, исто така, ликвидиран изрешетан во својата чајџилница во населбата Ченто пред пет години.Според соговорниците сега убиениот Наим Ајети го наследил својот брат на чело на криминална група, којашто се нарекувала „Беланоча” и продолжил со криминалите за кои претходно бил гонет и осомничен неговиот брат.Еден од можните мотиви според сомневањата на лица запознаени со функционирањето на скопското подземје, е можеби пресметка за превласт во подземјето меѓу неколку криминални групации.Меѓутоа, постојат и мислења дека станува збор за нарачана ликвидација на Наим Ајети, од негов поранешен ортак во „бизнисот” кој му должел 75.000 евра, кои сега убиениот ги барал со закани по животот на должникот, на што исто така му било возвраќано со смртни закани. Извор Курир мк
Македонија | пред 7 години
На социјалната мрежа Твитер, членовите на иницијативата „Бојкотирам“ се „пофалија“ дека само од Скопје имаат фотографии од 450 граѓани, кои ги нарекуваат предавници и дека нивните фотографии ќе ги објавуваат од 17 часот.Ова е уште еден доказ дека се прекшува тајноста на гласањето, и е груб обид да се заплашат и етикетираат граѓанките и граѓаните кои излегуваат на гласање.ЦИВИЛ апелира до надлежните институции да реагираат на секој обид да се спречи демократското право, правото на глас.
Македонија | пред 7 години
На избирачко место бр.2539/1 во Основното училиште „Његош“ во Колонија пријавено е дека едно лице го фотографирало своето гласачко ливче, информираа од МВР.За инцидентот бил известен Јавен обвинител, a 55-годишното лице е во полициска станица за расчистување на случајот, додаваат од МВР.Од МВР додаваат дека во СВР Тетово, пак, набљудувач од невладина организација пријавил дека наспроти ОУ „Гоце Делчев“ во Гостивар повеќе лица вршеле неовластено снимање и фотографирање на гласачи, и за овој настан, велат, известен е Јавен обвинител, а две лица се приведени во врска со овој случај. Од полицијата велат дека се работи на расчистување на случајот.Инцидент бил пријавен и во полициската станица во Кочани, 54-годишен жител од Кочани пријавил дека пред гласачко место број 852, пред Домот на културата во Кочани, бил навредуван од страна на непознато лице бидејќи одел да гласа. По преземени мерки, утврдено е дека се работи за лице од Кочани и тој бил повикан на разговор во полициската станица, соопштија од МВР.
Македонија | пред 7 години
Од телефонски броеви кои се регистрирани на Бихачка се праќани лажни пораки до членови на ВМРО-ДПМНЕ, за да искочат да гласаат бидејќи бил постигнат договор меѓу власта и опозицијата.Потпаролот обвини дека се врши агитација и сторен криминал од страна на СДСМ, вели потпаролот на ВМРО-ДПМНЕ. Според него, СДСМ врши притисок на граѓани.ПОВИКУВАЧ: „Се јавуваме од централниот штаб на СДСМ, ако сеуште не сте излегле да гласате, ве повикуваме на гласате“ГЛАСАЧ: „Без разлика дали сме гласале ние не сме добиле ништо од партијата“ПОВИКУВАЧ: „Добро“Потпаролот Наум Стоилковски повтори дека партијата има став, секој граѓанин да постапи како што мисли. Телефонските броеви од каде се праќани пораките биле регистрирани во седиштето на СДСМ, вели тој.
Македонија | пред 7 години
Комисијата за следење евентуални противправности поврзани со извршување на кривични дела од Глава шеснаесет – Кривични дела против изборите и гласањето од Кривичниот законик и други кривични дела кои би биле сторени при организирањето и спроведувањето на референдумот во континуитет ги следи случувањата поврзани со референдумот.Комисијата има за задача да ги следи сите настани поврзани со процесот на спроведувањето на референдумот. Таму каде што има индиции за извршени нерегуларности, веднаш известувањата се проследуваат до соодветното Основно јавно обвинителство. Дадени се задолженија до Основните јавни обвинителства за итно постапување, односно за формирање предмети и преземање на сите дејствија за утврдување на релевантни факти од кои зависи правилната примена на Кривичниот законик.Комуникацијата и координацијата со обвинителствата и со Министерството за внатрешни работи се одвива перманентно. Целта е прибирање на сите докази за гонење на сторители на кривични дела поврзани со референдумот. До 14.30 минути има само едно известување за сторена противправност кое е поднесено во Основното јавно обвинителство Скопје. Имено, Секторот за внатрешни работи Скопје го извести обвинителството за извршено кривично дело, денеска во 9,20 часот во дворот на ОУ ” Лазо Ангеловски” во Скопје на гласачко место број 2708. Делото е извршено од едно лице кое нападнало тројца униформирани полициски службеници. Осомничениот е задржан во полициска станица.Во координација на Основното јавно обвинителство Скопје, СВР Скопје постапува за целосно документирање на настанот по што ќе ја достави целата документација со кривична пријава против осомничениот за сторено кривично дело Напад врз службено лице при вршење работи на безбедноста од член 383 од Кривичниот законик.Со овој настан не е нарушен процесот на гласање, ниту пак имало некакво влијание кон гласачите во остварување во гласачкото право. Други пријавени незаконитости на територијата на надлежност на Вишото јавно обвинителство Скопје нема. Сериозни неправилности нема на гласачките места на територија на Вишото јавно обвинителство Штип. Имаме сознанија за мал инцидент во Радовиш каде едно лице фрлало летоци. Надлежното обвинителство информира дека со ова дејствие е сторен прекршок.Во Кочани, во 11.30 минути, надвор од избирачко место по завршено гласање биле упатени закани од едно на друго лице, но истите немале влијание врз процесот на гласање.Во Штип има случај на неовластено фотографирање. Фотографирано било лице кое носело храна на избирачко место. Лицето кое неовластено фотографирало е задржано во полиција на разговор. На територија на надлежност на Вишото јавно обвинителство Гостивар до 14.30 минути не се пријавени неправилности поврзани со процесот на гласање, ниту посериозен инцидент кој би го попречил референдумскиот процес. Мирно се одвива и процесот на гласање на територијата на Вишото јавно обвинителство Битола.Јавното обвинителство преку формираната Комисија ја известува јавноста дека јавните обвинители работат на терен. Целосно се посветени на борбата против кривичните дела поврзани со изборниот процес и гласањето преку придонес кон нивно сузбивање и превенирање. Може да се констатира дека до овој момент има релативно мирно спроведување на референдумот, односно нема индиции за поголем број противправности опфатени со Глава 16 од Кривичниот законик. Иако обвинителството е подготвено да постапува, сепак се надеваме дека во оваа атмосфера ќе се спроведе референдумот.
Македонија | пред 7 години
Претседателот на Владата на Република Македонија, Зоран Заев, утрово во Струмица го оствари своето избирачко право.„Денеска е убав ден, нов празник за Република Македонија. Денеска граѓаните излегуваат и одлучуваат за иднината на нашата земја. Денеска со одлуката граѓаните прават исто како во минатото, во сите пресудни моменти за Република Македонија носејќи сериозни, важни одлуки, со што го трасираат патот на нашата земја за иднината на наредните генерации кои што доаѓаат после нас“, рече Заев„Денеска навистина е вистински празник. Јас, денеска очекувам, преку масовноста во гласањето, со големиот одзив уште еднаш да се потврди и мултиетничкото единство на нашите граѓани и севкупното политичко единство на граѓаните надвор од било која политичка партија или политички определби. Очекувам Собранието да ја следи мнозинската одлука на граѓаните, која што денеска ќе биде јасен правец во која насока треба да се движи нашата земја. Секако очекувам после овие одлуки, Македонија конечно да ги постигне своите стратешки цели, да биде членка на најмоќниот воен сојуз во светот – НАТО, и да биде членка на најсилната економска унија во светот Европската Унија. Нека ни е со среќа почитувани граѓани на Република Македонија, нека е со среќа на нашата земја“, додаде премиерот
Македонија | пред 7 години
Според досегашната статистика излезноста до 13 часот на последните локални избори била 27,3%. Сега е 15,9%.Забележливо е драстичното опаѓање на излезеноста, особено во Струга како најекстремен случај. Подоле во прилог се процентуалната намаленост на излезеност во споредба со локалните избори по општини:АЕРОДРОМ -45,1%АРАЧИНОВО -38,1%БЕРОВО -49,1%БИТОЛА -43,1%БОГДАНЦИ -50,7%БОГОВИЊЕ -23,8%БОСИЛОВО -54,2%БРВЕНИЦА -41,2%БУТЕЛ -41,1%ВАЛАНДОВО -53,5%ВАСИЛЕВО -55,3%ВЕВЧАНИ -63,4%ВЕЛЕС -52,7%ВИНИЦА -59,8%ВРАПЧИШТЕ -25,9%ГАЗИ БАБА -56,9%ГЕВГЕЛИЈА -46,2%ЃОРЧЕ ПЕТРОВ -49,3%ГОСТИВАР -33,1%ГРАДСКО -48,5%ДЕБАР -33,6%ДЕБАРЦА -63,7%ДЕЛЧЕВО -46,3%ДЕМИР КАПИЈА -65,1%ДЕМИР ХИСАР -56,1%ДОЈРАН -44,9%ДОЛНЕНИ -7,6%ЖЕЛИНО -38,7%ЗЕЛЕНИКОВО -60,4%ЗРНОВЦИ -70,8%ЈЕГУНОВЦЕ -24,4%КАВАДАРЦИ -59,2%КАРБИНЦИ -58,6%КАРПОШ -31,6%КИСЕЛА ВОДА -52,0%КИЧЕВО -50,1%КОНЧЕ -74,4%КОЧАНИ -53,3%КРАТОВО -57,7%КРИВА ПАЛАНКА -45,5%КРИВОГАШТАНИ -62,0%КРУШЕВО -46,4%КУМАНОВО -30,7%ЛИПКОВО 32,5%ЛОЗОВО -61,3%МАВРОВО И РОСТУША -34,0%МАКЕДОНСКА КАМЕНИЦА -65,3%МАКЕДОНСКИ БРОД -51,7%МОГИЛА -66,8%НЕГОТИНО -56,2%НОВАЦИ -67,6%ОХРИД -45,4%ПЕТРОВЕЦ -64,5%ПЕХЧЕВО -50,4%ПЛАСНИЦА -72,2%ПРИЛЕП -44,6%ПРОБИШТИП -55,1%РАДОВИШ -53,3%РАНКОВЦЕ -67,0%РЕСЕН -50,9%РОСОМАН -66,3%САРАЈ 5,4%СВЕТИ НИКОЛЕ -57,7%СОПИШТЕ -70,5%СТАРО НАГОРИЧАНЕ -72,3%СТРУГА -73,3%СТРУМИЦА -36,2%СТУДЕНИЧАНИ -35,4%ТЕАРЦЕ -18,6%ТЕТОВО -10,2%ЦЕНТАР -21,7%ЦЕНТАР ЖУПА -40,4%ЧАИР -18,8%ЧАШКА -45,2%ЧЕШИНОВО - ОБЛЕШЕВО -66,6%ЧУЧЕР - САНДЕВО -63,3%ШТИП -53,5%ШУТО ОРИЗАРИ -42,6%
Македонија | пред 7 години
Пратениците од редовите на опозициската ВМРО-ДПМНЕ, Крсто Јовановски и Жаклина Пешевска денеска го остварија своето право и гласаа на референдумот.Оваа информација ја потврди истражувачот од Центарот за европска стратегија „Евротинк“, Андреја Стојковски.Претходно, Драган Данев, Даниела Рангелова и Митко Јанчев го дадоа својот глас на референдумот.
Македонија | пред 7 години
Од скопските општини, најголема излезност за гласање на референдумот од скопските општини има Центар со 26,29% и Капош каде на гласање излегле 23,97% од запишаните гласачи.ДИК соопшти дека до 13 часот излезноста изнесува 16%. Од табелата може да се погледне колкава е излезноста низ цела Македонија.
Македонија | пред 7 години
Излезноста до 13 часот изнесува 16% или нешто повеќе од 260.000 граѓани, според Државната изборна комисија. Во Гевгелија излегле 19,5 проценти, во Демир Хисар излегле повеќе од 15%, во Куманово 16,15%.Просекот на излезност е од 90% од гласачките места.Државната изборна комисија (ДИК) апелираше до сите изборни органи, вклучени во процесот на организација и спроведување на референдумот, својата работа да ја извршуваат професионално и одговорно, во согласност со законските процедури.Акредитираните набљудувачи при вршењето на набљудувањето, како што потенцираа од ДИК, се должни да се придржуваат на правилата и процедурите од Кодексот за набљудување на Референдумот 2018 и доследно да ги применат законските прописи кои произлегуваат од Кодексот.Набљудувачите се должни да ги познаваат и почитуваат одредбите на Изборниот законик, Законот за референдум и други облици на непосредно изјаснување на граѓаните и Кодексот за набљудување на референдумот и да се придржуваат кон одредбите со кои се уредува постапката за спроведување на референдумот, да се непристрасни во извршувањето на своите должности при што не смеат да изразат пристрасност кон изборните органи, да носат на видно место овластување – беџ издаден од ДИК, како и лична исправа и своите заклучоци треба да ги засноваат на документирани и во потврдени факти.Од ДИК, исто така, потенцираат дека акредитираните набљудувачи при спроведување на процедурата за референдумот не смеат да влијаат на кој било начин во постапката на денот на изјаснувањето на референдумот, како и во постапката при броење на гласовите, не смеат да носат партиски симболи и ознаки, да им даваат упатства на гласачите, изборните органи, овластените претставници и овластените службени лица и да влијаат на работата и одлуките на изборните органи.
Македонија | пред 7 години
Потпретседателот на ВМРО-ДПМНЕ ,Александар Николоски нема да гласа на референдумот.„Од прогласувањето на независноста на Република Македонија сметам дека денес е најбитен ден за опстојот на Македонија. За мене е лично понижување, газење на моето достоинство да гласам дали да се прекрсти Македонија или не. Нема цена што може да е компензација за преименување на мојата татковина. Кршење на основно човеково право е друг да ти каже кој си и што си. Дополнително целата атмосфера пред референдумот како и манипулациите на власта се незапаметени до сега. Народот е јасен. Не сака да се прекрсти. Не сакам и јас! Затоа решив денес да не гласам. Не можам да гласам за името на мојата татковина. Таа има име, било и ќе биде Република Македонија,“ стои во пишаната изјава на Алесандар Николоски испратена до медиумите.
Македонија | пред 7 години
23-годишно момче од Скопје со иницијали К.Н. било вчера пронајдено мртво во хотел покрај улицата „Качанички пат“, соопштија од МВР.„На 29.09.2018 година во 19,48 часот од Итна медицинска помош било пријавено дека во хотел на улица „Качанички пат“ има починато лице. Од увидот е констатирано дека се работи за лицето К.Н.(23) од Скопје. По наредба на Јавен обвинител телото е предадено за обдукција. Извршен е увид на местото на настанот“, велат од таму.
Скопје | пред 7 години
Пратеничката Даниела Рангелова од редовите на опозициската “ВМРО-ДПМНЕ”, за Скопје1 потврди дека излегла на референдумот. Таа вели дека гласала против договорот со Грција. За неа успешен референдум е оној кој ќе има исполнет цензус.На прашањето дали ќе биде исполнет цензусот, Рангелова одговори дека не може да предвиди и тоа ќе го видиме кога ќе заврши референдумот.Пратеничката на ВМРО-ДПМНЕ, Дниела Рангелова денеска е фотографирана како излегла на гласање за референдумот. По неа фотографиран е и координаторот на пратеничката група ВМРО-ДПМНЕ, Драган Данев.Пратеничката од ВМРО ДПМНЕ, Даниела Рангелова е една од осомничените на Специјалното јавно обвинителство поврзана со случајот за насилство врз градоначалникот и Советот на општина Центар, летото 2013 година.
Македонија | пред 7 години
Пријатели се степале поради референдумот, по што полицијата поднесе пријава за еден од нив. Инцидентот бил пријавен вчера во 13:30 часот во Полициска станица Центар.И.Е.(44) од Скопје пријавил дека околу 00:15 часот во кафе-бар во Скопје, додека бил со негов пријател, му се прибилижил Ј.Л.(33) од Скопје, со кого се познаваат од претходно, и му упатил вербални закани во врска со гласањето на референдумот, а во еден момент го удрил со тупаница, по што пријавителот за кратко паднал во бессознание.Преземени се мерки и активности за расчистување на случајот и против Ј.Л. е поднесен соодветен поднесок.
Скопје | пред 7 години
Портпаролот на МВР, Тони Ангеловски, информира дека во гласачкото место во ОУ„ Лазо Ангеловски“ во Скопје К.Ж.(22) од Скопје го нарушил јавниот ред и мир, со тоа што навредувал граѓани и физички нападнал полицајци. Тој е приведен во полициската станица во Аеродром.Пријавен бил и случај од страна на старец од Зубовце, Гостивар, кој пријавил дека бил навредуван во врска со референдумот од страна на 64-годишна жена. Таа е повикана во полициска станица и МВР информира дека се работи на расчистување на случајот.Според Ангеловски, во Струга од зграда во близина на избирачко место во ОУ„Браќа Миладиновци“ пријавено е фотографирање со мобилен телефон од тераса од страна на неколку лица. Веднаш се преземени мерки, лицата биле однесени во полициската станица во Струга и се работи на расчистување на случајот.„На гласачко место во ОУ ‘Ванчо Прке’ во Штип, Б.О. од Штип пријавил дека при достава на храна во избирачки одбор, бил фотографиран и навредуван од Е.С. од Штип. Тој е приведен во полициска станица и се работи на расчистување на случајот“, информира Ангеловски.МВР ги повикува граѓаните да ги почитуваат законите и да се воздржуваат од какви било нарушувања на јавниот ред и мир и на тајноста на гласањето. Какво било однесување спротивно на законите МВР нема да толерира и ќе постапи согласно со законите со цел граѓаните непречено и мирно да го искористат своето уставно право.
Македонија | пред 7 години
Портпаролот на ВМРО-ДПМНЕ, Наум Стоилковски на новинарско прашање дали ќе излезе да гласа лидерот на ВМРО-ДПМНЕ, Христијан Мицкоски, пренесе информација дека тоа нема да се случи.Претседателот на ВМРО-ДПМНЕ во рамките на партискиот став кој овозможува секој да постапи по свое лично убедување одлучи да не гласа на референдумот. Мицкоски смета дека прашањето за референдум е повеќезначно и манипулативно. Во неговата содржина се состои прашање за членство во НАТО и ЕУ што преставува стратешка цел на ВМРО-ДПМНЕ, а во пракса на денешниот референдум се одлучува за штетен договор за преименување на земјава и ништо повеќе, и во таков случај Мицкоски одлучи да не гласа на референдумот, практично апстинирајќи да испрати порака на несогласување и отфрлање на штетниот договор, вели Стоилковски.Одлуката за неизлегување преставува законско право и еден од начините за изразување на незадоволство од договорот и вака водениот референсумски процес.
Македонија | пред 7 години
Ексградоначалникот на Карпош и лидер на партијата ГРОМ, Стевчо Јакимовски на денот на референдумот пече пиперки за ајвар во неговиот дом.Јакимовски го бојкотира референдумот уште кога беше изгласано одржувањето од страна на Собранието. Тој во повеќе наврати го повтори истиот став, дека нема да излезе на гласање, со цел, да не се обезбеди цензус и да пропадне референдумот.
Скопје | пред 7 години
Пратеничката на ВМРО-ДПМНЕ, Дниела Рангелова денеска е фотографирана како излегла на гласање за референдумот. По неа фотографиран е и координаторот на пратеничката група ВМРО-ДПМНЕ, Драган Данев.Опозициската партија во текот на предреферендумската кампања не зазеде конкретен став за референдумот.Претседателот на партијата, Христијан Мицкоски на поддржувачите им порача секој да постапи како што сака.
Македонија | пред 7 години
Во тајфунот кој во саботата го погоди јапонскиот остров Окинава, се повредени најмалку 17 луѓе.Како што јавуваат медиумите, Тами достигнува брзина од 216 километри на час, а најголемиот удар се очекува во понеделник наутро.На фотографиите може да се забележат скршени гранки и дрва кои ја блокираат главната улица во главниот град Наха, а во моментов врне силен дожд. Брановите достигнуваат висина и до неколку метри.Околу 700 луѓе се евакуирани, а без струја се скоро 200 000 домови, велат од радиото НХК.Откажани се најмалку 386 летови, главно во западна Јапонија.Западните региони се уште се опоравуваат од најмоќниот тајфун кој ја зафати Јапонија на почетокот на септември. Тајфунот Јеби одзема 11 животи и го затвори аеродромот Кансаи.
Свет | пред 7 години
Вчера во попладне во полициската станица во Карпош, е добиена пријава од 50-годишен Скопјанец, чиј 17-годишен син бил физички нападнат од неколку непознати лица кои биле на возраст од 17 години. Настанот се случил во 9 часот наутро, во Трговскиот центар „Лептокарија“, информираат од полицијата.Од МВР велат дека се преземаат мерки за пронаоѓање на сторителите и за расчистување на случајот.
Скопје | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
