„Намалувањето на парите за чист воздух е удар врз здравјето на народот“, велат од СДСМ

„СДСМ остро реагира на неодговорната и штетна одлука на Владата на Мицкоски да ги намали парите наменети за борба против загадувањето и обезбедување чист воздух. Во време кога Скопје но и други наши градови повторно се меѓу најзагадените градови во светот, оваа одлука е негрижа и игнорирање на основните потреби на граѓаните, ова е удар врз здравјето на народот“, велат од СДСМ.

— реклама —

„Според последните мерења во Скопје воздухот има зголемена концентрација на ПМ 2,5 честичките за 16 пати а ПМ10 честичките се со концентрација од 83,9 микрограми.

— реклама —

Воздухот е означен како „нездрав“, што може да предизвика сериозна закана за здравјето на граѓаните.

Во вакви услови крајно штетна за здравјето на народот е одлуката власта да ги намали парите во Буџетот 2025 година за чист воздух за 51% и да ги намали а за животна средина да ги намали за 25%.

— реклама —

Има помалку пари и за енергетиката, парите за гасификација се преполовени а власта во Собранието не прифати досега ниту еден амандман на СДСМ за обезбедување повеќе средства.

— реклама —

Граѓаните се оставени да се гушат, власта на Мицкоски покажува дека нема намера ништо да преземе против загадувањето“, се наведува во соопштението на СДСМ.