Три лица загинаа, а 12 се повредени во руски напад врз автобус во центарот на Никопол, Украина утрово.
Веста ја објави Олександр Ханжа, началник на воената администрација на регионот Дњепропетровск, кој појасни дека нападот бил извршен со дрон. Автобусот се приближувал кон постојката во моментот на нападот, поради што имало луѓе и во возилото и на постојката.
„Ова не бил случаен напад. Станува збор за намерен терор врз цивили – луѓе кои едноставно си ги извршувале своите секојдневни обврски“, изјави Ханжа.
