Напад во руско училиште: Ученичка запалила пожар и со чекан нападнала деца и наставник

Во Краснојарск, Русија, ученичка од осмо одделение вооружена со чекан подметнала пожар во училиште и нападнала други ученици, при што има повредени лица, објавија руските медиуми.

— реклама —

Ученицата фрлила запалена крпа во училницата, а потоа удрила неколку ученици со предмет сличен на чекан, соопшти Министерството за внатрешни работи, пренесува агенцијата RIA Novosti.

— реклама —

Пет деца и еден наставник се повредени во нападот, јави изворот, пренесува агенцијата TASS.

— реклама —

Ученичката, чии постапки предизвикале несреќа во училиштето во Краснојарск, е задржана во притвор, соопшти Главната истражна управа на рускиот Истражен комитет, пренесува агенцијата RIA Novosti.

— реклама —

Според изворот, повредените не се во животна опасност.