Напад во Велес: бивш партнер со уште две лица физички ја нападнал бившата и нејзиниот нов дечко

Тројца мажи се лишени од слобода по насилен инцидент во Велес, откако, според пријава во полиција, физички нападнале млад пар во нивниот дом.

— реклама —

Од Министерството за внатрешни работи информираа дека на 9 март 2026 година во 08:30 часот во СВР Велес, 23-годишна жителка на Велес пријавила дека во нејзиниот дом дошол нејзиниот поранешен партнер Б.Б. (26) од Скопје и физички ја нападнал неа и нејзиниот сегашен партнер, 24-годишен велешанец.

— реклама —

Според пријавата, со Б.Б. во домот дошле и М.К. (30) и Д.Б. (43), двајцата од Скопје, кои исто така физички го нападнале нејзиното момче, при што употребиле електрошок и тврд предмет.

— реклама —

По преземени мерки, полициски службеници од Единицата за интервентна полиција при СВР Скопје ги лишиле од слобода Б.Б., М.К. и Д.Б., по што тие биле спроведени во СВР Велес за понатамошна постапка.

— реклама —

За настанот е известен јавен обвинител, а по целосно документирање на случајот ќе бидат поднесени соодветни пријави.