Наскоро почнува објавувањето на првите резултати од изборите во Србија: „Нема да се чека“

Првите прелиминарни резултати од денешните парламентарни избори во Србија се очекува да бидат објавени околу 21:15 часот, изјави вечерва претседателот на Републичката изборна комисија (РИК), Владимир Димитријевиќ.

— реклама —

На прес-конференција во седиштето на РИК, тој соопшти дека избирачките места во Србија главно биле затворени во 20 часот. Исклучок се местата каде што во моментот на затворањето сè уште имало гласачи кои не гласале, како и оние на кои во текот на денот гласањето било прекинато подолго од еден час.

— реклама —

— реклама —

Димитријевиќ објасни дека избирачките одбори прво ги утврдуваат резултатите на самите избирачки места, по што ги доставуваат записниците до локалните изборни комисии. Потоа резултатите се скенираат и се испраќаат до централата на РИК, каде што се внесуваат во евиденцијата и се проверуваат.

„Нема да се чека да бидат обработени сите избирачки места, туку резултатите ќе се објавуваат постепено, како што пристигнуваат и поминуваат проверка“, изјави Димитријевиќ.