НАТО помага во координацијата за Ормускиот Теснец, но нема да се вклучи директно во мисијата

НАТО одржа видеоконференција со сојузниците за можен придонес во обезбедувањето на слободата на пловидба низ Ормускиот Теснец, но од Алијансата нагласуваат дека не станува збор за мисија на НАТО.

— реклама —

Состанокот на ниво на началници на генералштабови бил одржан во средата, 19 август, со цел да се разгледаат можните придонеси на заинтересираните сојузници за поддршка на слободата на пловидба низ теснецот.

— реклама —

Портпаролот на врховниот командант на сојузничките сили во Европа, генералот на американското воено воздухопловство, Алексус Гринкевич, посочи дека НАТО може да помогне со координација и со разбирање на капацитетите што сојузниците можат да ги стават на располагање.

Сепак, тој нагласи дека активностите не се планирани како официјална мисија на НАТО.

— реклама —

Сојузниците се обидуваат да избегнат директно вклучување во конфликтот со Иран, а паралелно се разгледуваат планови надвор од рамките на Алијансата за повторно воспоставување безбедна пловидба низ Ормускиот Теснец. Низ него пред февруари поминувала околу една петтина од светската трговија со нафта.

— реклама —

Франција и Велика Британија ги предводат напорите за формирање коалиција од околу 10 земји, која би имала задача да обезбеди безбеден премин низ теснецот откако ќе се намалат тензиите или ќе заврши конфликтот. За каков било долгорочен договор, сепак, би била потребна согласност од Иран.