Тројцата тешко повредени пациенти поради уривање на настрешницата на Железничката станица во Нови Сад се уште се во тешка општа состојба и сега минуваат низ период на развој на секундарни компликации, изјави Драган Николиќ, управител на Ургентниот центар на Клиничкиот центар на Војводина.
Весна Туркулов, директорка на Клиничкиот центар на Војводина, за српски Курир откри повеќе за моменталната состојба на повредените.
- Состојбата не е променета и тие се уште се во тешка состојба и нивните животи се во опасност. По состанокот на докторите ќе се одлучи дали денеска ќе се преземат некои други мерки - рече таа и призна дека на лекарите најтешко им е средбата со семејствата на повредените кои секојдневно ги посетуваат.
Таа објасни и дека еден пациент е во полоша здравствена состојба од другите.
- Тие се одвоени од механичката потпора за дишење, не се доволно свесни и се уште не дишат добро сами, но се малку поприсутни од третиот пациент кој е во посериозна состојба - вели Туркулов.
Таа објасни и дека може да се очекуваат секундарни компликации кои се чести, но дека се преврзуваат и редовно се прегледуваат.
