Не се свесни за револтот и гневот кај луѓето, граѓаните ќе го кажат резултатот на локалните избори, вели Филипче

Лидерот на СДСМ, Венко Филипче, вели дека граѓаните ќе кажат каков ќе биде резултатот на локалните избори, а откако, премиерот Христијан Мицкоски им прогнозираше дека нема да освојат ни еден градоначалник. Филипче смета дека има револт кај граѓаните.

— реклама —

„Чаурата на власта каде се наоѓа, е сѐ потесна. Не се свесни за револтот и гневот кој луѓето го чувствуваат. Заради платите, трошоците, притисокот кој го прават на фирмите, немањето на поврат на ДДВ, револтот кој се излива на улиците по трагедијата во Кочани каде загинаа 62 деца. Никој не ги примил и сослушал родителите кои имаат што да кажат и побараат“, рече Филипче.

— реклама —

— реклама —

Тој додаде дека не бил поддржан ниту законот на СДСМ за Кочани, во кој немало политика, туку само помош.

— реклама —

„Каков ќе биде резултат на локалните избори, може да кажат граѓаните. Дали сакаат да живеат во ваква, на периферија во Европа, задолжена до гуша, со камати или проспритетна и европска“, додаде Филипче.