„Нека ни е Господ на помош“ – шефот на „Информер“ најави тешка борба

„Нека ни е Господ на помош“, изјави главниот уредник на српската телевизија „Информер“, Драган Ј. Вучиќевиќ, во програма во живо, најавувајќи тешка борба по политичките случувања во Србија.

— реклама —

„Како дојдовме до ова, луѓе?“, праша Вучиќевиќ, изразувајќи загриженост за развојот на настаните.

— реклама —

Неговите изјави доаѓаат во период на засилени реакции против телевизијата „Информер“, која во јавноста е препознатлива по поддршката за Александар Вучиќ и Српската напредна странка.

По вчерашниот протест и упадот на дел од демонстрантите во зградата на телевизијата, при што беше прекинато емитувањето на програмата, Независното здружение на новинари на Србија (НУНС) најави поднесување иницијатива до Регулаторното тело за електронски медиуми (РЕМ) за одземање на дозволата на „Информер“.

— реклама —

Од НУНС наведуваат дека иницијативата е поради, како што тврдат, повеќегодишно и систематско прекршување на законите и програмските обврски.

Вучиќевиќ засега не прецизираше што конкретно подразбира под најавената „тешка борба“.