Нема активни пожари на отворено, ЦУК регистрира 28 пожари во 24 часа

Во текот на изминатото деноноќие во Македонија биле регистрирани 28 пожари на отворен простор, од кои 27 се изгаснати, додека еден пожар останал под контрола. Активни пожари во моментот нема, информира Центарот за управување со кризи.

— реклама —

Пожарот што е под контрола се наоѓа на подрачјето на општините Македонски Брод и Сопиште. Зафатена е нискостеблеста и мешана шума кај селото Белица, во местото викано Кајорец, на територијата на Македонски Брод, а пожарот се проширил кон Јасен, во општина Сопиште.

Од 27 изгаснати пожари, дел биле регистрирани на подрачја со ниска вегетација, дел на депонии и места со отпад, како и на стрништа и шумски површини.

— реклама —

Пожари имало во општините Илинден, Куманово, Виница, Прилеп, Демир Капија, Градско, Гостивар, Липково, Старо Нагоричане, Сарај, Карпош, Гази Баба, Радовиш, Босилово, Струга, Кичево, Охрид, Штип и Бутел.

— реклама —

Во Куманово биле регистрирани повеќе пожари, меѓу кои во близина на касарната „Христијан Карпош“, во населбата Хајдучка Чешма, на депонијата Краста и на улицата „Доне Божинов“.

Пожари биле изгаснати и кај Кадинска Плетва на автопатот Скопје–Велес, на влезот во Виница, зад Шумско стопанство, на улицата „Кеј 1-ви Мај“ во Прилеп, кај Демир Капија пред тунелите, како и во повеќе села во гостиварско, липковско, струмичко, охридско и други подрачја.

ЦУК информира дека до 7:30 часот на 23 септември нема активни пожари на отворен простор.