Нема активни пожари во Македонија

До 07:30 часот денеска во државата се регистрирани вкупно 20 пожари на отворен простор, информира Центарот за управување со кризи. Според информациите, нема активни пожари, ниту пожари што се под контрола, а сите 20 се изгаснати.

— реклама —

Пожари се регистрирани во повеќе општини, меѓу кои Желино, Велес, Кичево, Македонски Брод, Сопиште, Врапчиште, Ранковце, Сарај, Гази Баба, Теарце, Липково, Куманово, Охрид и Гостивар.

— реклама —

— реклама —

Најголем дел од интервенциите биле поради пожари на ниска вегетација, стрништа, грмушки и отпад. Во општините Македонски Брод и Сопиште, пожарот кај селото Белица, на местото Кајорец, се проширил кон Јасен, при што била зафатена нискостеблеста и мешана шума.

— реклама —

ЦУК наведува дека сите пријавени пожари се локализирани и изгаснати, без регистрирани активни жаришта до наведениот период.