Нема активни пожари во Македонија

Центарот за управување со кризи информира дека во периодот од 24 до 25 септември, до 07:30 часот, во Македонија биле регистрирани вкупно 18 пожари на отворен простор.

— реклама —

Од нив, нема активни пожари, еден е ставен под контрола, додека 17 пожари се изгаснати.

Под контрола останува пожарот во подрачјето на селото Белица, на местото викано Кајорец, во Општина Македонски Брод, кој се проширил кон Јасен во Општина Сопиште. Зафатени се нискостеблеста и мешана шума.

— реклама —

Во текот на деноноќието биле изгаснати пожари на повеќе локации низ државата, меѓу кои во Сарај, Љуботен, на улицата „Народен Фронт“ во Центар, како и во Лавци – Брусник, Могила и Мало Коњари.

— реклама —

Пожари биле регистрирани и во Габрово кај Струмица, Калаузлија, Заграчани, во близина на фабриката „Магна“, Коњари кај Дебар, Раштани – Превалец, Речица и на депонијата Краста во Куманово.

Интервенции имало и во Порој, како и во Врапчиште – Топлица и Сенокос. Најголем дел од пожарите зафатиле ниска вегетација, а на одделни места гореле стрништа, грмушки, отпад, лозје или депониски материјал.

Според последната информација на ЦУК, во моментов нема активни пожари на отворен простор.