Нема активни пожари во земјава

До 07:30 часот денеска, Центарот за управување со кризи регистрирал вкупно 24 пожари на отворен простор во периодот од 23 до 24 септември. Од нив, 23 се изгаснати, еден пожар е под контрола, а активни пожари нема.

— реклама —

Пожарот што е под контрола е регистриран во општините Македонски Брод и Сопиште, кај селото Белица, во местото „Кајорец“, од каде што се проширил кон Јасен. Зафатена е нискостеблеста и мешана шума.

— реклама —

— реклама —

Од останатите 23 пожари, повеќето биле на ниска вегетација, грмушки, сува трева, стрништа и отпад. Пожари биле регистрирани во повеќе општини, меѓу кои Бутел, Сарај, Битола, Кривогаштани, Струмица, Босилово, Радовиш, Охрид, Дебарца, Дебар, Градско, Свети Николе, Брвеница, Желино, Шуто Оризари, Прилеп, Куманово и Неготино.

Во неколку случаи биле зафатени и депонии, стара напуштена куќа, електрична бандера и броила, како и железнички прагови. Пожари биле регистрирани и кај полигонoт Криволак, во атарот на селото Згрополци кај поранешната фабрика „ХИВ“, како и на подрачјето на Охрид.