Спорните серии на БСЖ вакцината се искористени до јуни, нема документирани несакани ефекти, тврди Клековски

Вакцинацијата со БСЖ вакцината ќе продолжи непрекинато, а Министерството за здравство во соработка со УНИЦЕФ ќе обезбеди понатамошна достапност на вакцината, информираше министерот за здравство Сашо Клековски.

— реклама —

Во изјава за медиумите, Клековски посочи дека станува збор за сериите на БСЖ вакцината со број 6831 од 22 декември 2022 година и серија 807-1 од 11 декември 2023 година. Според него, двете серии биле целосно искористени до летото годинава.

— реклама —

„Во нашата држава нема документирани несакани ефекти поврзани со примена на овие серии. Министерството, заедно со надлежните институции, спроведува дополнителни анализи, а јавноста ќе биде навремено информирана за нивните резултати“, изјави Клековски.

Тој ги повика родителите да продолжат со редовната вакцинација на децата согласно Календарот за имунизација.

— реклама —

„Вакцинацијата останува најсигурната заштита за здравјето на нашите деца“, потенцираше министерот за здравство.

— реклама —

Од Министерството посочуваат дека вакцинацијата со БСЖ ќе продолжи без прекин, во соработка со УНИЦЕФ, додека дополнителните анализи за сериите ќе продолжат.