Неочекуван гостин покрај пруга во Белгија: Кенгур предизвика прекин на сообраќајот

Кенгур денеска бил забележан покрај железничка пруга во близина на белгискиот град Зингем во Фландрија, поради што накратко бил нарушен железничкиот сообраќај на таа линија.

„Пријавата ја добивме околу 9 часот“, изјави за Франс прес Фредерик Сакре, портпарол на „Инфрабел“, управителот на белгиската железничка мрежа.

— реклама —

„Кенгурот ненадејно се појави покрај пругата“, изјави Сакре, додавајќи дека нема прецизни информации од каде дошло животното.

— реклама —

Сообраќајот на железничката линија бил прекинат околу еден час.

„Полицијата се обиде да го фати животното, но не успеа, па беше повикан ветеринар“, рече тој.

— реклама —

„Ветеринарот беше многу поснаодлив и поуспешен.“

— реклама —

Портпаролот на „Инфрабел“ изјави дека ситуацијата била прилично необична, додавајќи дека вакви прекини најчесто ги предизвикуваат говеда или овци.

„Пред неколку години имавме сличен случај со алпака“, додаде Сакре.