Австралиски војник загинал за време на воена вежба со падобранци во јужниот дел на Нов Јужен Велс, пренесуваат локалните медиуми.
Австралиските одбранбени сили соопштиле дека загинатиот е заставник од втора класа Лаклан Мадл, ветеран на Специјалниот воздухопловен полк со повеќе од три децении воено искуство.
Несреќата се случила во понеделникот вечерта за време на вежба за слободен пад на аеродромот Џервис Беј, кога дошло до судир во воздух со друг падобранец, кој поминал со полесни повреди.
Командантот на специјалните операции на армијата, генерал-мајор Гарет Гулд, изјавил дека двајцата војници успешно ги активирале падобраните пред да дојде до судирот на неколку стотици стапки над земјата.
