Нетанјаху: Со Трамп се согласивме дека Иран не смее да има нуклеарно оружје

Израелскиот премиер Бенјамин Нетанјаху објави детали од синоќешниот разговор со американскиот претседател Доналд Трамп, наведувајќи дека двајцата разговарале за клучните прашања поврзани со Иран – Хормушкиот Теснец и нуклеарната програма на Техеран.

— реклама —

Нетанјаху на социјалната мрежа Икс порача дека со Трамп се согласиле оти секој конечен договор со Иран мора целосно да ја отстрани нуклеарната закана.

— реклама —

„Претседателот Трамп и јас се согласивме дека секој конечен договор со Иран мора да ја елиминира нуклеарната опасност. Тоа значи демонтирање на иранските постројки за збогатување ураниум и отстранување на збогатениот нуклеарен материјал од иранска територија“, напиша Нетанјаху.

Тој додаде дека Трамп повторно го потврдил правото на Израел да се брани од закани „на сите фронтови, вклучително и Либан“.

— реклама —

„Партнерството меѓу нашите држави се докажа на бојното поле и никогаш не било посилно“, истакна израелскиот премиер.

— реклама —

Нетанјаху порача и дека неговата политика, како и политиката на Трамп, останува непроменета – Иран да не поседува нуклеарно оружје.