Израелскиот премиер Бенјамин Нетанјаху во видео обраќање за конфликтот на Блискиот Исток изјави дека е во тек процес за постигнување „историски мир меѓу Израел и Либан“, но додаде дека, според него, Хезболах се обидува да го саботира.
Тој потсети дека Израелските одбранбени сили и Хезболах меѓусебно се обвинуваат за прекршување на примирјето.
Нетанјаху нагласи дека Израел задржува „целосна слобода на дејствување“ против секоја закана и потврди дека израелските сили извршиле напади и вчера и денес. Тој додаде дека Израел го менува „лицето на Блискиот Исток“ и дека целосно соработува со Соединетите Американски Држави.
Израелскиот премиер го пофали американскиот претседател Доналд Трамп за, како што рече, „многу силниот притисок врз Иран, и економски и воен“.
