Незаконски заградил државна парцела и поставил објект

Надворешната канцеларија за криминалистички работи Дебар поднесе кривична пријава против 64-годишен жител на градот поради сомнение дека сторил кривично дело „узурпација на недвижности“.

— реклама —

Според информациите од Министерството за внатрешни работи, пријавениот Г.И. во текот на 2026 година на катастарска парцела на место викано „Шпиље“, која е во државна сопственост, поставил метални столпчиња и заградил дел од земјиштето.

— реклама —

Во рамки на заградената парцела бил поставен и објект без соодветно одобрение за градба.

— реклама —

Со ваквите дејствија, според МВР, пријавениот противправно се стекнал со државно земјиште и остварил имотна корист во износ од 3.960.000 денари.

По целосно документирање на случајот, против него е поднесена кривична пријава до надлежното обвинителство.