Независната советничка група „Поинаку“, СДСМ, Левица и ЛДП бараат вонредна седница за средствата на јавните претпријатија во „Алта банка“

Независната група на советници во Советот на Општина Битола „Поинаку“, заедно со советничките групи на СДСМ, Левица и ЛДП, поднесе барање за свикување вонредна седница на Советот на Општина Битола поради состојбата со „Алта банка“ во Битола.

— реклама —

Од „Поинаку“ информираат дека барањето содржи една точка на дневниот ред, со која се бара градоначалникот да достави информации за тоа кои јавни претпријатија и општински институции имаат депонирани средства во „Алта банка“, од кога се нивни депоненти и со колкав капитал се изложени.

Од градоначалникот се очекува да ги образложи и мерките и насоките што ги презема Општина Битола во врска со настанатата состојба.

— реклама —

Од советничката група порачуваат дека граѓаните на Битола треба да знаат каква е состојбата со јавните институции и средствата со кои располагаат.

— реклама —

„Патриотизам е пред сè грижа за градот во кој живееме, грижа за сè што е дел од општественото работење и секојдневие, грижа за граѓаните на Битола“, наведуваат од „Поинаку“, упатувајќи и критичка порака по повод празникот на градот.

— реклама —