Критичарката и инфлуенсерка Ина Многуфина со серија остри пораки на социјалните мрежи ја критикуваше состојбата во општеството, посочувајќи дека постои јаз меѓу законите и нивното реално спроведување.
Во својата објава, таа наведува повеќе примери од секојдневието – од семејното насилство, преку сообраќајната некултура, до непочитување на здравствените препораки и законските обврски.
„Ти им викаш не вршете семејно насилство… они редат 15 случаи дневно. Ти им викаш има камери… они возат нерегистрирани коли на црвено. Ти им викаш не вози пијан… они со 4 промили гас“, пишува Многуфина.
Таа посочува и на состојбата со пушењето и здравството, алудирајќи на растечкиот број онколошки пациенти, наспроти притисоците за поблаги законски решенија.
„Ние сме народ за посматрање“, заклучува таа.
Објавата предизвика бројни реакции на социјалните мрежи, отворајќи дебата за одговорноста – дали проблемот е во институциите или во однесувањето на самите граѓани.
