Додека во Македонија се одржуваат значајни културни настани со домашни и странски уметници, јавниот простор го заземаат меѓусебни расправии, навреди и црна хроника, реагира Ина Многуфина.
Таа посочува дека Скопје во следните девет дена ќе биде европски центар на танцот, додека во Битола е во тек фестивалот „Браќа Манаки“, на кој присуствуваат значајни гости и домашни уметници.
„Скопје девет дена ќе биде европски центар на танцот, во тек е „Манаки“ со сите тие битни гости и домашни уметници, а ние два дена читаме како двајца се расправаат меѓу себе дали наркоман или пијаница бил поголем клошар“, напиша Многуфина.
Според неа, вниманието на јавноста е насочено кон навреди и расправии, додека културните настани остануваат во втор план.
„Нивото ни е спуштено на селски муабети пред кооперација и на црна хроника. Црна хроника, која веќе не нè ни чуди, што е уште пострашно. Дно“, додава Многуфина.
