Ноќна акција низ цела Гази Баба: Заврши вонредното прскање против комарци

До раните утрински часови траеше вонредната акција за прскање против комарци на територијата на Општина Гази Баба, информира градоначалникот Бобан Стефковски.

— реклама —

Теренските активности завршиле во 3:30 часот, а екипите во текот на ноќта ги опфатиле Смилковци, Црешево, Стајковци, Сингелиќ, Ченто, Инџиково, Маџари, Триангла, Хиподром, Ергеле, Трубарево, Гоце Делчев, Јурумлери, Раштак, Брњарци, Виниче, Булачани, Идризово, Дрма, Колонија, Кирил Петрушевски, Автокоманда и Железара. Акцијата започнала од Керамидница.

— реклама —

Според Стефковски, акцијата е реализирана во координација со Центарот за јавно здравје и Град Скопје, а засилените активности ќе продолжат и во наредните денови, согласно состојбата на терен.

Градоначалникот посочи дека и лично бил присутен на терен за време на акцијата и најави продолжено следење на состојбата и навремено преземање мерки каде што ќе биде потребно.

— реклама —