Нов биланс на ЦУК: Два пожари сè уште активни, 20 изгаснати

Во изминатото деноноќие во земјава се регистрирани вкупно 24 пожари на отворен простор, од кои два се активни, два се ставени под контрола, а 20 се изгаснати, информира Центарот за управување со кризи.

— реклама —

Активни се пожарите во Општина Македонски Брод, кај месноста Видуш во близина на село Драгов Дол, каде гори ниска вегетација, нискостеблеста шума и грмушки, како и во Општина Студеничани, над село Моране, каде е зафатена мешана шума.

— реклама —

Под контрола се пожарите на градската депонија во Делчево и кај Ново Село на планината Огражден, каде гори депонија, деградирана мешана шума и ниска вегетација.

— реклама —

Во текот на изминатиот период се изгаснати пожари во Виница, Штип, Центар Жупа, Кичево, Лозово, Брвеница, Желинo, Теарце, Врапчиште, Гази Баба, Сарај, Зелениково, Кривогаштани, Охрид, Илинден, Македонски Брод, Кавадарци и Валандово.

— реклама —

Според ЦУК, информацијата се однесува на состојбата заклучно со 07:30 часот на 12 август 2026 година.