Бројот на загинати во силниот земјотрес со магнитуда од 7,4 степени што ја погоди Колумбија се искачи на 82 лица, откако пристигнаа нови податоци за состојбата во Переира, еден од најтешко погодените градови.
Шефот на локалната полиција, Оскар Леонел Очоа, за „Каракол Радио“ изјавил дека само во Переира загинале 47 лица. Претходно, градоначалникот Маурисио Салазар соопшти дека во градот има 40 жртви, додека властите на департманот Рисаралда известија за 42 загинати на целата територија на департманот.
Очоа изјавил и дека во Переира се урнале повеќе од 60 згради, а бројката би можела да надмине и 70. Потрагата по луѓе под урнатините продолжува.
Покрај 47-те загинати во Переира, потврдени се 27 жртви во департманот Ваље дел Каука, четири во Чоко, три во Манизалес и една во департманот Антиокија.
Спасувачките служби и натаму трагаат по луѓе под урнатините, па бројот на жртвите би можел дополнително да се зголеми.
