Нова саботажа во Франција: Погодени телекомуникации во шест области

Франција е погодена од нова рунда саботажни акти, овојпат насочени кон телекомуникациските оператори, соопшти полицијата.

Оптички мрежи на повеќе оператори биле „саботирани“ во шест области на Франција, соопшти полицијата.

— реклама —

Главниот град Париз, кој во моментов е домаќин на Олимпијадата, не беше погоден.

Вандализирани се инсталациите на француските телекомуникациски компании SFR и „Bouigues Telecom“, објавија францускиот весник Le Parisien и TV BFM.

— реклама —

Netblocks соопшти дека податоците покажуваат прекини на повеќе даватели на интернет услуги во Франција.

Францускиот државен секретар за дигитални прашања Марина Ферари ги потврди вандалските дејствија извршени во неделата вечерта.

— реклама —

Ферари рече дека Одбранбениот центар за електронски комуникации работи со операторите додека комуникациите и услугите не бидат целосно обновени, под нејзин надзор.

„Најостро ги осудувам овие кукавички и неодговорни постапки“, напиша Ферари на мрежата Х.

Францускиот телекомуникациски регулатор ARCEP соопшти дека вандалските дејствија погодиле околу 11.000 клиенти, главно од SFR и Free.

Покрената е истрага за инцидентот.