НП „Маврово“ го пориби езерото со 400 килограми пастрмка и крап

Националниот парк „Маврово“ спроведе порибување на Мавровското Езеро и дел од реките на територијата на паркот, со цел обновување и унапредување на рибниот фонд и зачувување на природната рамнотежа.

— реклама —

Согласно Риболовната основа и Годишниот план за порибување, во Мавровското Езеро биле внесени 200 килограми пастрмка и 200 килограми крап, додека дел од реките биле порибени со речна пастрмка.

— реклама —

— реклама —

Паралелно со овие активности, Службата за заштита на природата спроведува редовни контроли на водите и на територијата на паркот, со цел спречување на нелегалниот риболов и заштита на природните богатства.

Од Националниот парк „Маврово“ посочуваат дека зачувувањето на водите и рибниот фонд е заедничка одговорност и повикуваат на почитување на правилата и одговорно однесување кон природата.