Пет лица се уапсени денеска во Косово Поле под сомнение дека се обиделе незаконски да отуѓат земјиште од два хектара, проценето на околу 1,5 милиони евра, соопшти Основното обвинителство во Приштина.
Според обвинителството, осомничените ја злоупотребиле службената положба или овластувањата и незаконски му издале на лицето М.С. потврда за сопственост на имотот.
Потоа, М.С., во соработка со други лица, наводно се обидел да го продаде земјиштето на две лица со иницијали М.З. и М.З., користејќи фалсификувани документи.
По налог на обвинителот, на петтемина осомничени им е одреден притвор до 48 часа.
