Тешка несреќа утринава во скопската населба Кисела Вода, каде при ископ на темели на градилиште на улицата „Козјак“ беа затрупани тројца работници. Во несреќата едно лице починало, а тројца се во тешка состојба и се хоспитализирани на Ургентниот центар.
Од Основното јавно обвинителство Скопје информираа дека е издадена наредба за обдукција на починатиот.
„Дежурен јавен обвинител од Основното јавно обвинителство Скопје изврши увид на лице место на локација во Кисела Вода, каде при одрон на градилиште еден работник го загуби животот, а тројца беа повредени. Јавниот обвинител издаде наредба за обдукција на починатиот. Во насока на испитување на причините за несреќата и почитувањето на прописите за заштита при работа постапуваат и Државниот инспекторат за труд и општински градежен инспектор“, информираат од ОЈО.
