Обвинувања од ВМРО-ДПМНЕ: Се бара одговор за наводен процент од станови

Пратеникот од ВМРО-ДПМНЕ, Бране Петрушевски, изнесе серија обвинувања на адреса на раководството на Социјалдемократски сојуз на Македонија, барајќи одговори од Зоран Заев и Венко Филипче.

— реклама —

Петрушевски прашува дали бил договорен процент од продажбата на станбените единици на бизнисменот Дака во Тетово, поврзано со измените на деталниот урбанистички план донесени, како што тврди, веднаш по формирањето на владата во 2020 година од страна на СДС и ДУИ.

— реклама —

Според него, станува збор за проект од околу 200 милиони евра, при што во јавноста се појавиле и аудио снимки во кои, како што наведува, се споменува наводна заработка од 4 милиони евра за Заев.

— реклама —

Пратеникот ги повика СДС, Заев и Филипче да одговорат дали постоел договор за процент од продажбата на становите, оценувајќи дека станува збор за сериозни сомнежи за корупција.

— реклама —

Воедно, тој побара од Јавно обвинителство да ги истражи наводите.