Од 6 часот утринава во тек е координирана акција за гаснење на пожарот кај Кавадарци

Од 6:00 часот утринава повеќе екипи се ангажирани во гаснењето на пожарот во Општина Кавадарци, каде што се интервенира на два правци, информира Центарот за управување со кризи (ЦУК).

— реклама —

На правецот Дреново – Ќесендре се ангажирани екипи на ЈП „Комуналец“ – Кавадарци, Министерството за внатрешни работи, ЈП Национални шуми – подружница „Бор“ Кавадарци и Територијалната противпожарна единица Кавадарци, со цистерни, камион, теренски возила и пожарникари.

— реклама —

— реклама —

Во реонот на селото Раец интервенираат екипи на ЈП „Комуналец“ – Кавадарци, Територијалните противпожарни единици од Кавадарци и Неготино, како и полициски службеници од МВР.

— реклама —

Од ЦУК информираат дека акцијата за локализирање на пожарот продолжува со координирани активности на сите ангажирани служби.